Ээж бурхан

Энэхэн замбуулинд төрснөөс минь хойш

Ижий бурхан надад бүхнийг өгсөн

Эрээнтэй бараантай амьдралын дунд 

Ижий минь намайг хүмүүн болгосон

Уйлахад минь аргадаж 

Ухаангүй гэнэн аашлахад минь загнаж

Энэ насандаа хүний ёсоор амьдрах 

Энгийн мөртлөө агуу ухааныг надад сургасан

Миний чиний бидний эх орон ...

Эх орны минь газар шороо, агаар ус хэвлийдээ өсгөж бойжуулсан хүн ард биднээсээ тусламж эрэн, нулимс бөмбөрүүлэх мэт өдрөөс өдөрт харах тусам сэтгэл шимширч, өр өмөлзөнө...

Шинэ эриний тухай (4) - Эзотерикч Сома

Гумилевын үзэж байснаар монгол хүн Азийн зүрхэнд асар их энергийн даралт дор оршин тогтнож ирсэн нь санамсаргүй зүйл биш ээ. Ердөө л 700000 хүн амтай байсан Монголчууд 13 дугаар зуунд өчнөөн олон сая хүнтэй ази европын олон орнуудыг эзэлснээр, Евроазийг бүхэлд нь эрхшээлдээ оруулан ноёрхож байсан хүн төрөлхтний түүхэн дэх цорын ганц үндэстэн билээ. 
Монгол хүн заяа буянаар олдсон энергийн нөөц бололцоогоо эцэг өвгөдийн сүнс ч баярлах тэмцэл - гэрэл гэгээний төлөөх тэмцэлд ухамсартайгаар өргөвөл, Майдар бурханыг үеийн үед хүлээж, нартын амьдралыг орхихдоо Шамбалын оронд уулзах ерөөл тавин буцдаг байсан ухаант өтгөсийнхөө мөрөөдлийг биелүүлэх бус уу? Сэтгэлд гэрэл гийвээс, буян хурж, эд материал ч аяндаа хүссэн хэмжээгээр ирэх болно. Гэгээн сайхан идеал, туйлын хүслэнгийнхээ төлөө өөрийгөө золиослоход бэлэн няцашгүй дайчин чанар генд маань бий. 

Шинэ эриний тухай (3) - Эзотерикч Сома

   Хүний оюун ухаан, зүрх сэтгэл бие махбодь цогцоороо макро сансрын өчүүхэн загвар болохыг олон үеийн мэргэд тэмдэглэж ирсэн нь учиртай. Тиймээс хүн бол байгалийн хамгийн том бүтээл мөн. Гэвч хүн одоогийнхоо түүхийн ухаан, аминч сэтгэлтэйгээ байгаль эхийн эзэн байж чадахгүй. Хэрэв ингэж зүрхлэн байгаль түүний хууль жамаас ангид өөрийн явцуу бодлогыг тавих оролдлогоо  үргэлжлүүлсээр байхын бол байгаль эх хэдэн тэрбум жилээр бүтээсэн гариг дэлхийгээ аврахын тулд харанхуй мунхаг хүмүүсээс үүрд чөлөөлөх нь дамжиггүй.

Шинэ эриний тухай (2) - Эзотерикч Сома

    Эмэгтэй хүнийг шуламс чөтгөртэй адилтган, эр хүнийг уруу татаж, бурханы цэцэрлэгээс хөөлгөсөн эр хүнээс л доогуур дорд төрөлтөн хэмээн үзэж байсан гажууд ойлголтыг Мара буюу барууныхны Сатана, хүн төрөлхтөний замыг бурхад, бодисаттва нарын төлөвлөснөөс төөрүүлэхийн тулд зориуд дэлгэрүүлсэн гэдэг. Эр эм, эерэг сөрөг хоёр цэнэг тэнцвэртэй оршиж баймааж, сансарын хууль жам ёсоор явагдана. Нэг нь зонхилон, нөгөөгөөсөө давамгайлж эхлэхэд эвдрэл сүйрэл гарна гэдгийг мэддэг хар тэнгэрийнхэн гэрэл гэгээг үзэн ядан хорсохдоо, бүтээл туурвилыг эхнээс нь ингэж сэвтээсэн учиртай.

Шинэ эриний тухай (1) - Эзотерикч Сома

   Хүн төрөлхтөн энэ зуунд урьд нь хэзээ ч үзэгдээгүй зовлон гамшиг, өвчин тахал амсаж, дайн тулааныг үзэж байгаа нь эртний судар шастирт дурдсан асар том эргэлт хаяанд тулж ирсэнийг сануулж байна.

      Ертөнцийг бүтээсэн бичил тоосго болох эгэл бөөмсийн нууцад нэвтрэн, атомын энергийг эрхэндээ оруулан, оюун ухааныхаа загвар компьютерыг бүтээж, улам боловсронгуй болгож байгаа хэдий ч, материаллаг баялагт хахаж цацаад хүмүүс жаргалдаа ташуурахын үлгэрээр сэтгэл зүрх нь юуны учир агуйн үеийн өвөг дээдсийн түвшинд чулуужин хатуурах болоо юм бол?

Хязгааргүй ...

      Энэ хорвоо ертөнцөд амьдрал бас үхэл гэж бий. Амьдрал үхлээс илүү сайхан. Харин аль алинаас нь илүү сайхан нэгэн зүйл байдаг.

Энэ бол хайр сэтгэл.

      Бурхнаас заяасан энэхүү эгэл биш мэдрэмжийг хүн бүр амталж баясч байдаг. Гагцхүү жинхэнэ хайрыг мэдэрч хэн нэгнийг хайрлаж, хайрлуулсанаараа энэхүү мэдрэмжийн гоо сайхныг олж ухаарах билээ.

Хүний үр

     Хотын гудамжаар холхилдон алхах олон хүний хөлийн тоос, зам дээр түгжрэн орилолдох машинуудын утаа тортогт дарагдан түүгээр амьсгалж, урд шөнө гадаа унтаад дааран нойр авч чадаагүйдээ өдрийн нарны илчинд жаахан ч болтугай бие нь тэнийж, даанч ингээд зогсохгүй ходоод нь дэндүү ихээр өлсөхийн эрхэнд дуу дуулж, зарим нь гуйлга гуйн, хулгай хийж байгаа, нялх дүүгээ тэвэрсэн ч харагдах, бүр жааханаас авахуулаад дуу дуулахтайгаа болсон насны олон олон "гудамжны" гэх хүүхдүүдийг хараад сэтгэл минь шимшрэх юм. Хүний хорвоо даанч хатуу гэлтэй.