Tuesday, November 30, 2010

Амьддаа бие биенээ хайрла хүмүүс ээ - О.Дашбалбар


Амьддаа бие биенээ хайрла хүмүүс ээ
Алив сайхнаа бусдаас битгий харамла
Хэрэггүй үгийн зэвээр зүрхийг минь бүү шархлуул
Хэн нэгнээ харанхуй нүх рүү битгий түлх
Архинд орсон нэгнээ шоолж бүү инээ
Аяа чиний аав чинь ч байж мэднэ шүү дээ
Амжиж чи өөрөө алдрын зэрэгт хүрсэн бол
Аз жаргалын хаалгыг бусаддаа нээж өг
Ачийг чинь тэд бас бүү мартаг
Ганц сайхан үгээр дутаж яваа хүнд
Гарцаагүй тэрийг нь олж хэл
Гадаа нартай ч гэрт хүйтэн өдөр
Газар дээр нэг бус удаа тохиолдоно

Thursday, November 25, 2010

Баярын мэнд хүргэе!


Агуу суу билэг сүр хүчээ хослуулан
Алтан дэлхийн хүн зоныг байлдан дагуулсан
Мэргэн оюун хүнлэг энэрэнгүйн илэрхийлэл 
Монгол өвөг дээдсийн үр сад танаа
    Улс тунхагласны 86 жилийн ойн баярын мэнд хүргэе!!! 

   
      Миний Монголын сүр хүч үүрд мандан бадраг!

Тусгаар тогтнол чамайг тунхаглан бичнэ би - Дэндэвийн Пүрэвдорж

Тусгаар тогтнол

Ханат цагаан гэрийн од хийморийн тоонон дээр
Хасаг халуун тулганы омог дєрвєн тотгон дээр
Хан Алтай аавын онгон тэргvvн оргил дээр
Хатан Сэлэнгэ ээжийн одод орчих мандал дээр
Тусгаар тогтнол чамайг
Тунхаглан бичнэ би

Ганган улаан тэмээний зогдор дэвсэх тэшил дээр
Гантай мєнгєн хэтний зоолог тээх тээгэн дээр
Галбын халуун говийн хулан ангах ээрэм дээр
Гантиг чулуун хясааны янгир халих элгэн дээр
Тусгаар тогтнол чамайг
Тунхаглан бичнэ би

Saturday, November 20, 2010

Эрүүл мэнд хайрлаач, Эд хөрөнгө, эрх мэдлээ бүгдийг нь өгье!

     Цэл залуу наснаасаа л сайхан амьдрал, тэр дундаа юугаар ч дутахааргүй чинээлэг, хэнээс ч дутахааргүй хөрөнгөтэй, тэр ч бүү хэл бусдаас илүү баян амьдрахыг хүсэхгүй хүн гэж үгүй. Ингээд л мөнгөний хойноос улайран ажиллаж, ар гэр ахуй амьдралаа орхигдуулан мөнгөтэй байвал, мөнгө олж л байвал болох байх гэж бодох хүн олон байдаг юм шиг. Магадгүй тэдний 10% нь л хүссэндээ хүрч чаддаг байх. Харамсалтай нь одоо л хангалттай мөнгөтэй боллоо гэтэл өвчин зовлон ороож хамаг байдгаа баран эсвэл бүр өвчин эдгэхийн аргагүй хүндэрсэн гашуун түүх, эмгэнэлт жишээнүүд цөөнгүй байдаг бололтой. Гашуун ч гэлээ үнэн.

Tuesday, November 16, 2010

I am Mongolian

    Төрсөн цагаас минь хойш сэтгэл зүрхний минь ариун галын үзүүрт нэгэн дөл үргэлжид нэг л онцгой бадамлаж ирсэн. Энэхүү дөл цаг хугацаа улиран өнгөрөх тусам 
 

Blogobo

  © Blogger templates Newspaper III by Ourblogtemplates.com 2008

Back to TOP